Marco Dhyllan Pattianakotta
Mama e, sudah, jangan menangis
Air mata deng bamaki seng bisa kas mati api
Batu, kayu deng besi bisa abis, bisa ganti, jang manangis
Polo beta mama
Beta bale polo mama
Jangan manangis
Api boleh lapar, bisa makan katong punya rumah
Dan tanah
Tapi api seng bisa makan katong
Punya hati
Api boleh panas di malam dingin
Tapi seng bisa bakar hati beta yang dingin
Par cinta tanah ini
Par cinta surga ini
Dangke api
Bakar saja, beta seng pastiu
Ini bukang hal par taku-taku
Terima kasih api
Sudah bakar
Tapi jangan marah, seng bisa angos
Katong tetap batu
Tetap dingin
Malam ini Wahai jadi api
Sudah bakar rumah beta
Wahai jadi api
Beta jadi merpati putih
Terbang tinggi
Lapas dari api
Tanah Lapang Kecil, 5 Maret 2017
